ഇടുക്കിയിൽ കനത്ത മഴ; വീടുകളിൽ വെള്ളം കയറി, മുല്ലപ്പെരിയാർ അണക്കെട്ട് തുറക്കും

Date:

ഇടുക്കി ജില്ലയിലെ ഹൈറേഞ്ച് മേഖലകളിൽ അതിശക്തമായ മഴ തുടരുന്ന സാഹചര്യത്തിൽ ജനജീവിതം ദുരിതത്തിലായി. ഇന്നലെ രാത്രി ആരംഭിച്ച കനത്ത മഴയെത്തുടർന്ന് പലയിടത്തും വീടുകളിലും കടകളിലും വ്യാപാരസ്ഥാപനങ്ങളിലും വെള്ളം കയറി. മുണ്ടിയെരുമ, തൂക്കുപാലം തുടങ്ങിയ പ്രദേശങ്ങളിലെ വീടുകളിലാണ് പ്രധാനമായും വെള്ളം കയറിയത്. നെടുങ്കണ്ടം, തൂക്കുപാലം മേഖലകളിൽ നിർത്തിയിട്ടിരുന്ന കാറുകളും സ്കൂട്ടറുകളും ഉൾപ്പെടെയുള്ള വാഹനങ്ങൾ മലവെള്ളപ്പാച്ചിലിൽ ഒലിച്ചുപോയി.

കനത്ത മഴയെ തുടർന്ന് മുല്ലപ്പെരിയാർ അണക്കെട്ടിലെ ജലനിരപ്പ് ഉയർന്ന് 137 അടിക്ക് മുകളിലെത്തി. അണക്കെട്ടിലേക്കുള്ള നീരൊഴുക്ക് വർധിച്ച സാഹചര്യത്തിൽ, മുല്ലപ്പെരിയാർ അണക്കെട്ടിന്റെ ഷട്ടറുകൾ ഘട്ടം ഘട്ടമായി തുറക്കുമെന്ന് തമിഴ്‌നാട് കേരളത്തിന് മുന്നറിയിപ്പ് നൽകി. ഇന്ന് രാവിലെ 8 മണി മുതൽ 13 ഷട്ടറുകൾ വരെ തുറന്ന് സെക്കൻഡിൽ പരമാവധി 5,000 ഘനയടി വെള്ളം പെരിയാർ നദിയിലേക്ക് ഒഴുക്കി വിടാനാണ് തീരുമാനം. നിലവിൽ പെരിയാർ നദിയിലെ ജലനിരപ്പ് കുറവായതിനാൽ ആശങ്കപ്പെടേണ്ട സാഹചര്യമില്ലെങ്കിലും, തീരദേശവാസികൾ ജാഗ്രത പാലിക്കണമെന്ന് ജില്ലാ ഭരണകൂടം അറിയിച്ചു.

മഴ ശക്തമായതിനെ തുടർന്ന് കല്ലാർ ഡാമിലെ നാല് ഷട്ടറുകൾ ഇതിനോടകം ഉയർത്തിക്കഴിഞ്ഞു. മലവെള്ളപ്പാച്ചിലിലും വെള്ളപ്പൊക്കത്തിലും കുടുങ്ങിയവരെ രക്ഷപ്പെടുത്താനുള്ള ശ്രമങ്ങൾ നടന്നുവരികയാണ്. കുമളിയിൽ തോട് കരകവിഞ്ഞതിനെ തുടർന്ന് വീട്ടിൽ കുടുങ്ങിയ അഞ്ചുപേരെ രക്ഷപ്പെടുത്തി. വണ്ടിപ്പെരിയാറിൽ വെള്ളം കയറിയതിനെത്തുടർന്ന് 42 കുടുംബങ്ങളെയും കുമളിയിൽ 5 കുടുംബങ്ങളെയും ഉൾപ്പെടെ നിരവധി പേരെ സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിച്ചു.

കൂട്ടാർ, പാറക്കടവ്, മുണ്ടിയെരുമ തുടങ്ങിയ മേഖലകളിലും മഴ കനത്ത നാശനഷ്ടങ്ങൾ വരുത്തി. ഇവിടെ വളർത്തുമൃഗങ്ങൾ, ഇരുചക്രവാഹനങ്ങൾ ഉൾപ്പെടെ ഒലിച്ചുപോയി. ഇടുക്കിക്ക് പുറമെ പത്തനംതിട്ട, കോട്ടയം, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും ഇന്ന് കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കും ഇടിമിന്നലിനും സാധ്യതയുള്ളതിനാൽ ജനങ്ങൾ അതീവ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

ഈ ജോലി ചെയ്യുന്നവർക്ക് ശമ്പള വർധനവ് ഉറപ്പ്

ഗൾഫ് രാജ്യങ്ങളിലടക്കം പ്രവാസ ലോകത്ത് ജോലിയെടുക്കുന്നവർക്ക് ശമ്പള വർദ്ധനവും മികച്ച അവസരങ്ങളും...

ശബരിമല: പമ്പ – കോയമ്പത്തൂർ സർവീസുമായി കെഎസ്ആർടിസി

ശബരിമല തീർത്ഥാടനത്തോടനുബന്ധിച്ച് തീർത്ഥാടകർക്കായി കെഎസ്ആർടിസി കൂടുതൽ അന്തർ സംസ്ഥാന സർവ്വീസുകൾ ആരംഭിക്കുന്നു....

17 പേര്‍ക്ക് ചുവപ്പ് കാര്‍ഡ്, കണ്ണീര്‍ വാതകം പ്രയോഗിച്ച് പോലീസ്

കോപ്പ ബൊളീവിയ ഫുട്ബോൾ ടൂർണമെന്റിൽ ബൊളീവിയൻ ക്ലബ്ബുകളായ ബ്ലൂമിംഗും നാഷണൽ പോട്ടോസിയും...

‘ഡിറ്റ് വാ’ ചുഴലിക്കാറ്റ്: ഭീതിയോടെ തമിഴ്നാട്

തെക്കുപടിഞ്ഞാറൻ ബംഗാൾ ഉൾക്കടലിൽ രൂപപ്പെട്ട 'ഡിറ്റ് വാ' (Ditwah) ചുഴലിക്കാറ്റ് അതിവേഗം...