കണ്ണൂരിൽ ഇടിമിന്നലേറ്റ് രണ്ട് മരണം; മിന്നലോട് കൂടിയ മഴ ഇന്നും തുടരും; ഈ ജില്ലകളിൽ ജാഗ്രതാ നിർദേശം

Date:

കണ്ണൂരിൽ ഇടിമിന്നലേറ്റ് രണ്ട് തൊഴിലാളികൾക്ക് ദാരുണാന്ത്യം സംഭവിച്ചു. ചുഴലി ചെമ്പത്താട്ടി കാക്കണ്ണൻപാറയിൽ ചെങ്കൽ പണയിൽ ജോലി ചെയ്തുകൊണ്ടിരുന്ന അസം സ്വദേശിയായ ജോസ് നസ്രി, ഒഡീഷ സ്വദേശിയായ രാജേഷ് മഹാനന്ദ എന്നിവരാണ് ചൊവ്വാഴ്ച ഉച്ചയ്ക്ക് രണ്ടുമണിയോടെയുണ്ടായ മിന്നലിൽ മരണപ്പെട്ടത്. അസം സ്വദേശിയായ ഗൗതം റോയ് എന്നയാൾക്ക് ഗുരുതരമായി പരിക്കേൽക്കുകയും അദ്ദേഹത്തെ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിക്കുകയും ചെയ്തു. മരിച്ചവരുടെ മൃതദേഹങ്ങൾ പരിയാരം മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുകയാണ്.

സംസ്ഥാനത്ത് നിലവിൽ ഒറ്റപ്പെട്ടയിടങ്ങളിൽ ശക്തമായ മഴ തുടരുകയാണ്. ഇടിമിന്നലോടു കൂടിയ മഴ ഇന്നും തുടരുമെന്നാണ് കേന്ദ്ര കാലാവസ്ഥാ വകുപ്പിൻ്റെ മുന്നറിയിപ്പ്. ഈ സാഹചര്യത്തിൽ വിവിധ ജില്ലകളിൽ ജാഗ്രതാ നിർദ്ദേശം നൽകിയിട്ടുണ്ട്. ഇന്ന് (ഒക്ടോബർ 15) തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം എന്നീ ആറ് ജില്ലകളിൽ യെല്ലോ അലേർട്ട് പ്രഖ്യാപിച്ചിട്ടുണ്ട്. നാളെ (ഒക്ടോബർ 16) ആലപ്പുഴ, തൃശൂർ ജില്ലകൾ ഉൾപ്പെടെ എട്ട് ജില്ലകളിലും ജാഗ്രത തുടരും.

തുടർന്നുള്ള ദിവസങ്ങളിലും സംസ്ഥാനത്ത് ഇടിമിന്നലോട് കൂടിയ ശക്തമായ മഴയ്ക്ക് സാധ്യതയുണ്ട്. ഒക്ടോബർ 17-ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ ജില്ലകളിലും, 18-ന് പത്തനംതിട്ട, ഇടുക്കി, തൃശൂർ, പാലക്കാട്, മലപ്പുറം, വയനാട് ജില്ലകളിലുമാണ് യെല്ലോ അലേർട്ട് പ്രഖ്യാപിച്ചിരിക്കുന്നത്. ഈ ദിവസങ്ങളിൽ പൊതുജനങ്ങൾ അതീവ ജാഗ്രത പാലിക്കേണ്ടതാണ്.

ഇടിമിന്നലിന്റെ ആദ്യ സൂചനകൾ കണ്ടുതുടങ്ങുമ്പോൾ തന്നെ ആളുകൾ സുരക്ഷിതമായ കെട്ടിടങ്ങൾക്കുള്ളിലേക്ക് മാറാൻ ശ്രദ്ധിക്കണം. തുറസായ സ്ഥലങ്ങളിലും മരങ്ങളുടെ ചുവട്ടിലും ഇലക്ട്രിക് പോസ്റ്റുകളുടെ അടുത്തും നിൽക്കുന്നത് ഒഴിവാക്കണം. ഇടിമിന്നലേൽക്കാനുള്ള സാധ്യത കുറയ്ക്കുന്നതിന് അധികൃതർ നൽകുന്ന എല്ലാ സുരക്ഷാ നിർദ്ദേശങ്ങളും പാലിക്കാൻ ശ്രദ്ധിക്കുക.

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

ഈ ജോലി ചെയ്യുന്നവർക്ക് ശമ്പള വർധനവ് ഉറപ്പ്

ഗൾഫ് രാജ്യങ്ങളിലടക്കം പ്രവാസ ലോകത്ത് ജോലിയെടുക്കുന്നവർക്ക് ശമ്പള വർദ്ധനവും മികച്ച അവസരങ്ങളും...

ശബരിമല: പമ്പ – കോയമ്പത്തൂർ സർവീസുമായി കെഎസ്ആർടിസി

ശബരിമല തീർത്ഥാടനത്തോടനുബന്ധിച്ച് തീർത്ഥാടകർക്കായി കെഎസ്ആർടിസി കൂടുതൽ അന്തർ സംസ്ഥാന സർവ്വീസുകൾ ആരംഭിക്കുന്നു....

17 പേര്‍ക്ക് ചുവപ്പ് കാര്‍ഡ്, കണ്ണീര്‍ വാതകം പ്രയോഗിച്ച് പോലീസ്

കോപ്പ ബൊളീവിയ ഫുട്ബോൾ ടൂർണമെന്റിൽ ബൊളീവിയൻ ക്ലബ്ബുകളായ ബ്ലൂമിംഗും നാഷണൽ പോട്ടോസിയും...

‘ഡിറ്റ് വാ’ ചുഴലിക്കാറ്റ്: ഭീതിയോടെ തമിഴ്നാട്

തെക്കുപടിഞ്ഞാറൻ ബംഗാൾ ഉൾക്കടലിൽ രൂപപ്പെട്ട 'ഡിറ്റ് വാ' (Ditwah) ചുഴലിക്കാറ്റ് അതിവേഗം...