കശ്മീരിലെ പോലീസ് സ്റ്റേഷനിൽ സ്ഫോടനം; 6 മരണം, 27 പേർക്ക് പരിക്ക്.

Date:

തീവ്രവാദ ബന്ധമുള്ളവരിൽ നിന്ന് പിടിച്ചെടുത്ത സ്ഫോടകവസ്തുക്കൾ പരിശോധിക്കുന്നതിനിടെ ശ്രീനഗറിലെ നൗഗാം പോലീസ് സ്റ്റേഷനിലുണ്ടായ വൻ സ്ഫോടനത്തിൽ ഏഴ് പേർക്ക് ജീവൻ നഷ്ടപ്പെട്ടു. 27 പേർക്ക് പരിക്കേൽക്കുകയും ചെയ്തു. മരിച്ചവരിൽ ഭൂരിഭാഗവും പോലീസ് ഉദ്യോഗസ്ഥരും ഫോറൻസിക് വിദഗ്ധരും ഉൾപ്പെടുന്നു. പരിക്കേറ്റ ചിലരുടെ നില ഗുരുതരമായതിനാൽ മരണസംഖ്യ ഇനിയും ഉയരാനുള്ള സാധ്യതയുണ്ടെന്ന് അധികൃതർ അറിയിച്ചു. വെള്ളിയാഴ്ച രാത്രി വൈകിയാണ് അപകടം സംഭവിച്ചത്.

സ്‌ഫോടനത്തിൽ പോലീസ് സ്റ്റേഷൻ കെട്ടിടത്തിന്റെ ഒരു ഭാഗം പൂർണ്ണമായും തകരുകയും സമീപത്തുണ്ടായിരുന്ന നിരവധി വാഹനങ്ങൾ അഗ്നിക്കിരയാവുകയും ചെയ്തു. സ്‌ഫോടക വസ്തുക്കളുടെ പരിശോധനയ്ക്കിടെ സുരക്ഷാ പ്രോട്ടോക്കോളുകളിൽ എന്തെങ്കിലും പിഴവുകൾ സംഭവിച്ചോ, അതല്ലെങ്കിൽ രാസവസ്തുക്കളുടെ ഗുണനിലവാരം കാരണം സ്വയം പൊട്ടിത്തെറിച്ചതാണോ എന്നതടക്കമുള്ള കാര്യങ്ങളിൽ വിശദമായ അന്വേഷണം നടക്കുകയാണ്. സംഭവത്തെ തുടർന്ന് ഉന്നത പോലീസ് ഉദ്യോഗസ്ഥരും സുരക്ഷാ സേനയും സ്ഥലത്തെത്തി. പ്രദേശം പൂർണ്ണമായും അടച്ചിട്ട് സുരക്ഷാ പരിശോധനകൾ പുരോഗമിക്കുകയാണ്.

അടുത്തിടെ ഡൽഹിയിലെ ചെങ്കോട്ടയ്ക്ക് സമീപമുണ്ടായ സ്ഫോടനവുമായി ബന്ധപ്പെട്ട് ജമ്മു കശ്മീർ പോലീസും ഹരിയാന പോലീസും സംയുക്തമായി നടത്തിയ റെയ്ഡിലാണ് വൻ സ്ഫോടകവസ്തുശേഖരം പിടികൂടിയത്. അറസ്റ്റിലായ ഡോക്ടർ മുസമ്മിൽ ഗനായയുടെ വാടക വീട്ടിൽ നിന്നാണ് ഏകദേശം 3000 കിലോഗ്രാമോളം അമോണിയം നൈട്രേറ്റ് ഉൾപ്പെടെയുള്ള സ്ഫോടകവസ്തുക്കൾ കണ്ടെടുത്തത്. തുടർനടപടികൾക്കായി ഈ സ്ഫോടകവസ്തുക്കളിൽ ഭൂരിഭാഗവും നൗഗാം പോലീസ് സ്റ്റേഷനിലെ സുരക്ഷിതമല്ലാത്ത ഒരിടത്ത് സൂക്ഷിച്ചിരിക്കുകയായിരുന്നു. ഇതിൽ സാമ്പിളുകൾ ശേഖരിച്ച് പരിശോധന നടത്താൻ ശ്രമിക്കുന്നതിനിടെയാണ് അപകടം സംഭവിച്ചത്.

പരിശോധനകൾക്ക് ശേഷം മൃതദേഹങ്ങൾ തിരിച്ചറിയാനുള്ള നടപടികൾ ആരംഭിച്ചു. പരിക്കേറ്റവരെ ഇന്ത്യൻ ആർമിയുടെ 92 ബേസ് ആശുപത്രിയിലും ഷേർ – ഇ- കശ്മീർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലും (SKIMS) പ്രവേശിപ്പിച്ചിട്ടുണ്ട്. നിലവിൽ സംഭവത്തിൽ ഭീകരാക്രമണത്തിന്റെ സാധ്യത ജമ്മു കശ്മീർ പോലീസ് തള്ളിക്കളഞ്ഞു. പോലീസ് സ്റ്റേഷനിൽ സൂക്ഷിച്ചിരുന്ന സ്ഫോടകവസ്തുക്കൾ പൊട്ടിത്തെറിച്ചതാണെന്ന് പോലീസും സൈന്യവും സ്ഥിരീകരിക്കുകയും, കേസ് രജിസ്റ്റർ ചെയ്ത് ദേശീയ അന്വേഷണ ഏജൻസിയുടെ (NIA) സഹായത്തോടെ കൂടുതൽ അന്വേഷണം പുരോഗമിക്കുകയുമാണ്.

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

ഈ ജോലി ചെയ്യുന്നവർക്ക് ശമ്പള വർധനവ് ഉറപ്പ്

ഗൾഫ് രാജ്യങ്ങളിലടക്കം പ്രവാസ ലോകത്ത് ജോലിയെടുക്കുന്നവർക്ക് ശമ്പള വർദ്ധനവും മികച്ച അവസരങ്ങളും...

ശബരിമല: പമ്പ – കോയമ്പത്തൂർ സർവീസുമായി കെഎസ്ആർടിസി

ശബരിമല തീർത്ഥാടനത്തോടനുബന്ധിച്ച് തീർത്ഥാടകർക്കായി കെഎസ്ആർടിസി കൂടുതൽ അന്തർ സംസ്ഥാന സർവ്വീസുകൾ ആരംഭിക്കുന്നു....

17 പേര്‍ക്ക് ചുവപ്പ് കാര്‍ഡ്, കണ്ണീര്‍ വാതകം പ്രയോഗിച്ച് പോലീസ്

കോപ്പ ബൊളീവിയ ഫുട്ബോൾ ടൂർണമെന്റിൽ ബൊളീവിയൻ ക്ലബ്ബുകളായ ബ്ലൂമിംഗും നാഷണൽ പോട്ടോസിയും...

‘ഡിറ്റ് വാ’ ചുഴലിക്കാറ്റ്: ഭീതിയോടെ തമിഴ്നാട്

തെക്കുപടിഞ്ഞാറൻ ബംഗാൾ ഉൾക്കടലിൽ രൂപപ്പെട്ട 'ഡിറ്റ് വാ' (Ditwah) ചുഴലിക്കാറ്റ് അതിവേഗം...